خۆپیشاندانێكی دانیشتووانی گەڕەكێكی هەولێر دژی بێ ئاوی لەلایەن هێزە ئەمنییەكانەوە بڵاوەپێكرا، رێگری لە تیمی تۆڕی میدیایی ئێستا كرا رووماڵی خۆپیشاندانەكە بكات.
پێش نیوەڕۆی ئەمڕۆ دانیشووانی گەڕەكی باداوە لە هەولێر بۆ ناڕەزایی نیشاندان بەرامبەر گرفتی بێ ئاوی لە گەڕەكەكەیان خۆپیشاندانیان كرد و بۆ ماوەیەك شەقامی 100 مەترییان گرت.
پەیامنێرمان لە هەولێر پێیڕاگەیاندین، خۆپیشاندانەكە لەلایەن هێزە ئەمنییەكانەوە بڵاوەپێكراوە.
وتیشی، “هێزە ئەمنییەكان رێگەیان بە ئێمەش نەدا رووماڵی خۆپیشاندانەكە بكەین، هەوڵیاندا دەستبەسەر كەلوپەلەكانماندا بگرن”.
