جێگری سەرۆك وەزیرانی هەرێم رایدەگەیەنێت، دەستكەوتی گەورە جیاكردنەوەی مووچەیە لە (ئینفاقی فیعلی) خەرجیی كرداری و پەسەندكردنی بودجە زۆر كێشە چارەسەردەكات.
دوای پەسەندكردنی خشتەكانی بودجە و جیاكردنەوەی مووچە لە خەرجیی كرداری، قوباد تاڵەبانی جێگری سەرۆك وەزیرانی هەرێم لە لێدوانێكیدا رایگەیاند، پەسەندكردنی بودجە زۆر كێشە چارەسەردەكات و وتیشی، “یەكێك لە دەستكەوتە گەورەكان كە ئەمڕۆ لە ئەنجومەنی نوێنەران دەنگی لەسەر درا و پەسەندكرا جیاكردنەوەی مووچەیە لە(ئینفاقی فیعلی)خەرجیی كرداری”.
