دەستەی خانەنشینی عێراق رایگەیاند، کارەکانی بەرزکردنەوەی لیستی مووچەی مانگی حوزەیرانی خانەنشینان تەواوبووە.
حسام عەبدولسەلام بریکاری سەرۆکی دەستەی خانەنشین ی عێراق رایگەیاند، ئەمڕۆ کارەکانی بەرزکردنەوەی لیستی مووچەی مانگی حوزەیرانی خانەنشینان تەواودەکرێت و بەرزدەکرێتەوە بۆ بانکەکان.
ئاشکراشیکرد، دوای وردبینیکردن و بە هەماهەنگی لەگەڵ وەزارەتی دارایی لە ئەمشەوەوە بە شێوەی پلەبەندی دابەشکردنی مووچە دەستپێدەکات.
داوایشیکرد، ئەو خانەنشینانەی لەرێگای کورتەنامەوە ئاگاداردەکرێنەوە سەردانی بانکەکان بکەن و مووچەکانیان وەربگرن.
