بەهۆی رژانی نەوتی رەش لێیانەوە هاتوچۆی دەربەندیخان دەست بەسەر دوو تانكەردا دەگرێت.
بەڕێوەبەرایەتیی هاتوچۆی دەربەندیخان رایگەیاند، كاتژمێر 1:30 خولەكی بەرەبەیانی ئەمڕۆ دوو تانكەر بڕێكی زۆر نەوت-یان لە نزیك گوندی سێدارە لە سنووری قەزای دەربەندیخان تا هەورازی نزیك گوندی قاشتی رشت و بۆ ماوەی چەند كاتژمێرێك ئاستەنگی زۆریان بۆ رێگای دەربەندیخان-زەڕایەن دروستكرد.
ئەوەشی خستەڕوو، تیمی ئێشکگری بەڕێوەبەرایەتییان دەستی بەسەر تانکەرەکاندا گرت و، تەواوی نەوتی سەر رێگاكەشیان خۆڵڕێژ كرد بەمەبەستی پاراستنی گیانی شۆفێران و رێگری لە تووشبوونیان بە رووداوی هاتوچۆ.
هاتوچۆی دەربەندیخان روونیشیكردەوە، لە پاش شەش کاتژمێر رێگاکە ئاسایی بووەوە.
