لە قەزای خەباتی سنووری پارێزگای هەولێر دوو تۆمەتبار بە 850 شیت حەپی هۆشبەرەوە دەستگیرکران.
بەڕێوەبەرایەتیی گشتیی ئاسایشی هەولێر بڵاویکردەوە، لە بەردەوامی هەوڵەکانمان بۆ بەرەنگاربوونەوە و نەهێشتنی ماددە هۆشبەرەکان، دوای بەدواداچوون و کۆکردنەوەی زانیاری و وەرگرتنی فەرمانی دادوەری لێکۆڵینەوەی ئاسایش، تیمێکی بەڕێوەبەرایەتیمان لە چالاکییەکدا توانیان دوو تۆمەتبار کە بازرگانییان بەحەبی هۆشبەرەوە دەکرد دەستگیر بکەن و هاوکات بڕی 850 شیت حەبی ترامادۆڵ لە شارۆچکەی خەبات دەستی بەسەرداگیرا .
ئاماژەی بەوەشکرد، لە ئێستادا هەردوو تۆمەتبار بەپێی یاسای بەرەنگاربوونەوەی ماددە هۆشبەرەکان راگیراون و لەژێر لێکۆڵینەوەدان بۆ ئاشکراکردنی سەرچاوەی دەستخستنی ئەم جۆرە حەبە.
