سەرۆکی لیژنەی دارایی: پێش 9 ی حوزەیران هەمواری یاسای بودجە پەسەنددەکرێت

سەرۆکی لیژنەی دارایی رایگەیاند، پێشبینی دەکەین پێش دەستپێکردنی پشووی ئەنجومەنی نوێنەران و پێش 9 ی حوزەیران هەمواری یاسای بودجە پەسەندبکرێت.

عەتوان عەتوانی سەرۆکی لیژنەی دارایی لە ئەنجومەنی نوێنەرانی عێراق رایگەیاندووە، لەدوای ئەوەی پرۆژە هەمواری یاسای بودجەی 2024 لە حکومەتەوە گەیشتە ئەنجومەنی نوێنەران پێشبینی دەکەین پێش پشووی ئەنجومەنەکە و پێش 9 ی حوزەیران پەسەندبکرێت.

پشووی ئەنجومەنی نوێنەران کە بە بڕیارێک دواخرا چاوەڕێ دەکرێت لە 10 ی حوزەیران دەستپێبکات و ماوەی مانگێک بەردەوام بێت.

سەرۆکی لیژنەی دارایی ئاشکراشیکرد، بودجەی 2024 210 ترلیۆن دینارە و دابەش دەکرێت بەسەر بودجەی بەکاربەر و وەبەرهێنان و بڕی 66 ترلیۆن دیناریش کورتهێنانی دەبێت.

باسیلەوەشکرد، بۆ شیکردنەوەی داتاکان سەرەتا وەزیری دارایی و دواتریش وەزیری پلاندانان بانگهێشتی لیژنەکە دەکەین و سەبارەت بەو ژمارانە و شیکردنەوە و خەمڵاندنەکان پرسیاریان ئاڕاستەدەکەین.

بابەتی پێشتر

پسپۆڕێکی خۆراک 10 :خولەک تا 30 خولەک دوای نانخواردن ئاو بخۆنەوە نەوەک راستەوخۆ لەدوای ژەمەکە

بابەتی دواتر

نرخی نەوت لە دابەزین بەردەوامە

بابەتی پەیوەندیدار
زیاتر ببینە

توركیا.. لەوەتەی سیستم كراوەتە سەرۆكایەتی قەرزەكان 109% زیادیانكردووە

لەدوای گۆڕینی سیستمی حكومڕانیی توركیا له‌ په‌رله‌مانییه‌وه‌ بۆ سه‌رۆكایه‌تی، قه‌رزه‌كانى ئه‌و وڵاته‌ی به‌ڕێژه‌ی 109% زیادكردووه‌. ڕۆژنامه‌ى “زه‌مان”ی توركی…
Total
0
Share