وتەبێژی یەکێتیی نیشتمانیی کوردستان رایدەگەیەنێت، “یەکێتی بەهیچ شێوەیەک و هیچ جارێک داوای لابردنی کورسیی پێکهاتەکانی نەکردووە”.
سەعدی ئەحمەد پیرە، وتەبێژی یەکێتیی نیشتمانیی کوردستان رایگەیاند، ئەو رەخنانەی لە یەکێتی دەگیرێن سەبارەت بە کورسی پێکهاتەکان بێبنەمان، یەکێتی بەهیچ شێوەیەک و هیچ جارێک داوای لابردنی کورسیی پێکهاتەکانی نەکردووە، ئەوەی هۆکاربوو بۆ لابردنی کورسییەکانیان هەڵسوکەوتی هەندێک لە پێکهاتەکان بوو لەنێو پەرلەمان و دامەزراوەکان.
ئاماژەی بەوەشکرد، ئێستا کە بڕیاری دانانی پێنج کورسی بۆ پێکهاتەکان دراوە، رێز لە بڕیارەکانی دادگای فیدراڵی دەگرین.
