سەرۆکی شارەوانیی دوورگەی کریتیی یۆنان داوای یارمەتی کردووە لە دەسەڵاتدارانی وڵات بەهۆی ئەو ژمارە زۆرەی کۆچبەرانی نایاسایی کە روو لە ناوچەکە دەکەن و هۆشداری داوە لە نەبوونی سەنتەری پێشوازیی کۆچبەران.
دەزگای لوتکە بۆ کاروباری ئاوارە و پەنابەران بڵاویکردەوە، لە سەرەتای ساڵی 2024وە تاوەکو ئێستا زیاتر لە هەزار و 500 کۆچبەری نایاسایی لە وڵاتی لیبیا بەدەریای سپی ناوەڕاستدا و بە شێوەیەکی نایاسایی گەیشتوونەتە دوورگەی گاڤدۆسی وڵاتی یۆنان.
دەزگاکە ئاماژەی بەوەکردووە، سەرەڕای ئەوەی خواستی کۆچبەرانی نایاسای وڵاتی ئیتاڵیایە کە لە کەناراوەکانی لیبیا و باکوری ئەفریقاوە بەڕێدەکەون، بەڵام ئەمساڵ چوونی بەلەمەکانی کۆچبەران لە تۆبروک لە رۆژهەڵاتی لیبیا بۆ دوورگەی کریتی یۆنانی بووە، بەتایبەت دوورگەی گاڤدۆس کە دوورگەیەکی بچووکە و رووبەرەکەی لە 30 کیلۆمەتر چوارگۆشە زیاتر نییە.
لیلیان ستیفاناکیس سەرۆکی شارەوانی دوورگەکە، داوای یارمەتی کردووە بەهۆی نەبوونی سەنتەری پێشوازی لە کۆچبەرانی نایاسایی لە دوورگەکەدا و ئەوەش خراوەتەڕوو، زۆربەی ئەو کۆچبەرانەی دەگەنە گاڤدۆس خەڵکی میسرن و رێژەیەکی کەمیش لە پاکستان و بەنگلادیشەوە هاتوون.
