قائیمقامی هەولێر رایدەگەیەنێت، لێكۆڵینەوە لە ئاگرەكەی قەیسەریی هەولێر بەردەوامە و لە چەند رۆژی داهاتوودا ئەنجامەكەی بڵاودەكەینەوە.
نەبەز عەبدولحەمید، قائیمقامی هەولێر لە دیدارێكی تەلەفزیۆنیدا رایگەیاند، لیژنەیەك پێكهێندرا كە دەرخستە بۆ نۆژەنكردنەوەی قەیسەریی هەولێر ئامادەبكات و لە هەمانكاتدا لیژنەیەكی لێكۆڵینەوەش لەسەر ئاگرەكەی قەیسەریی هەولێر پێكهێندراوە كە بەدواداچوون دەكەن و لە كارەكانیان بەردەوامن.
قائیمقامی هەولێر جەختیكردەوە و وتیشی، “لیژنەی لێكۆڵینەوە لە رووداوەكە لە چەند رۆژی داهاتوودا ئەنجامەكەی بۆ رایگشتی و كاسبكارانی بازاڕەكە بڵاودەكاتەوە”.
