سەرۆکایەتیی شارەوانیی سلێمانی لەبارەی بەربەستکردنی شەقامی ژێر پردەکەوە خاوەن دووکان و کۆگاکان ئاگاداردەکاتەوە و دەڵێت، ”هەر کارێکی گواستنەوە و هێنانی کاڵاتان هەیە لە رۆژانی پێنجشەممە و هەینی ئەنجامی بدەن”.
سەرۆکایەتیی شارەوانیی سلێمانی لە راگەیەندراوێکدا ئاماژە بەوە دەکات، ”بە مەبەستی کارکردن و چاککردنی بەشێک لە قیری تێکچووی شەقامی مەحوی لە ناوبازاڕ، شەقامەکە لە رۆژی 11ی ئایاری 2024 لەبەردەم مزگەوتی گەورە تاوەکو شەقامی سەیوان نزیک بازاڕی دۆلارەکە بەربەستدەکرێت”.
دەشڵێت، ”ئاگاداری سەرجەم خاوەن دووکان و کۆگاکانی ئەو شەقامە دەکەین کە هەر کارێکی گواستنەوە و هێنانی کاڵایان هەیە لە رۆژانی پێنجشەممە و هەینی ئەنجامی بدەن”.
