کۆمسیۆنی باڵای هەڵبژاردنەکان لە هەرێم لە ئامادەکارییەکانی بۆ هەڵبژاردنی پەرلەمانی کوردستان بەردەوامە و داواش لە هاوڵاتییان دەکەن سەردانی بنکەکان بکەن بۆ وەرگرتنەوەی کارتی بایۆمەتری دەنگدان.
جومانە غەلای وتەبێژی کۆمسیۆنی باڵای هەڵبژاردنەکانی عێراق رایگەیاند، لەسەرەتای ئەمساڵەوە تا سەرەتای ئەم مانگە، 818 هەزار و 997 کارتی بایۆمەتری دەنگدان تەواوبوون، لەو ژمارەیەش 290 هەزار و 653 کارتیان لەلایەن هاوڵاتییانەوە وەرگیراونەتەوە و لە ئێستادا 528 هەزار و 344 کارت وەرنەگیراونەتەوە.
داوایشیکرد، هاوڵاتییان سەردانی بنکەکانی تۆماری دەنگدەران بکەن و کارتی بایۆمەتری دەنگدانەکانیان وەربگرنەوە.
غەلای باسی لەوەشكرد، دەستیان بە چاپکردنی فۆڕمی دەنگدان کردووە و چەند نمونەیەكیان ئامادەكردووە.
