بەرگریی شارستانیی دهۆک بڵاویکردەوە، بەهۆی رووداوێکی ئاگرکەوتنەوە، دوو خوێندکار لە یەکێک لە بەشە ناوخۆییەکانی کوڕان بە رێژەی 10% سوتان.
بەرگریی شارستانیی دهۆک ئاماژەی بەوەکردووە، درەنگانی ئەمشەو لە کاتژمێر 12:30 خولەک ژووری کۆنترۆڵی بەرگریی شارستانی ئاگادارکراونەتەوە لە رووداوەکە.
راشیگەیاندووە، ئاگەکە لە بەشێکی ناوخۆیی کوڕان بووە لە گەڕەکی رەزا و دوای لێکۆڵینەوەی لایەنە پەیوەندیدارەکان دەرکەوتووە، ئاگرەکە بەهۆی غازەوە بووە.
باس لەوەشکراوە، ئەو دوو خوێندکارەی بە رێژەی 10%ی جەستەیان سووتاوە، گواستراونەتەوە بۆ نەخۆشخانە.
