ئەمڕۆ نرخی نەوتی خاو لە بازارەکانی جیهاندا بەرزبووەوە، بە جۆرێک نرخی بەرمیلێک نەوتی خاوی برێنت لە 84 دۆلار نزیک بووەوە.
ئەمڕۆ سێشەممە، نرخی بەرمیلێک نەوتی خاوی برێنت گەیشتە 83 دۆلار و 56 سەنت.
نرخی بەرمیلێک نەوتی خاوی تەکساسی ئەمریکا بە 78 دۆلار و 72 سەنت مامەڵەی دەکرێت.
لە ماوەکانی رابردوودا نرخی نەوت بەهۆی گرژی و ئاڵۆزییەکانی رۆژهەڵاتی ناوەڕاستەوە چەندین بەرزی و نزمی تۆمارکردووە.
