لە گەڕەکێکی شاری کەرکوک، ئاگر لە ماڵێک کەوتەوە و دوو منداڵی دووانە سووتان.
پەیامنێری تۆڕی میدیایی ئێستا لە شاری کەرکوک پێیڕاگەیاندین، ئێوارەی ئەمڕۆ لە گەڕەکی حەی واست- ی کەرکوک، ئاگر لە ماڵێک کەوتەوە و دوو منداڵی دووانە سووتان.
ئاماژەی بەوەش کرد، منداڵەکان تەمەنیان سێ ساڵانە، لە رەگەزی نێرن، لە کاتێکدا کە منداڵەکان لە خەودا بوون ماڵەکەیان بەهۆی شۆرتی کارەباوە گڕیگرتووە و لە ئەنجامدا منداڵەکان سووتاون، لەکاتی کەوتنەوەی ئاگرەکەدا منداڵەکان بە تەنهابوون و دایک و باوکیان لە ماڵەوە نەبوون، دایکیان فەرمانبەرە و باوکیشیان لە بازاڕ کاردەکات.
پەیامنێری تۆڕی میدیایی ئێستا لە شاری کەرکوک، باسی لەوەش کرد، رێژەی سووتاوی منداڵەکان %90ە و لە ئێستادا لە بەشی سووتاوی نەخۆشخانەی ئازادیی شاری کەرکوک لە ژێر چاودێریی پزیشکدان.
