نزیكەی 70 سەرنشینی یەكێك لە گەشتە ئاسمانییەكانی نێوان دوو شاری ئەڵمانیا تووشی دۆخێكی تەندروستیی نامۆ بوون، ئەمەش فڕۆكەكەی ناچاركرد بنیشێتەوە.
فڕۆكەكە سەر بە هێڵی ئاسمانیی (كۆندۆر) و لە گەشتدا بوو لە مۆریشیۆس بۆ فرانكفۆرت، بەڵام 70 لە كۆی 290 سەرنشین لە نیوەی گەشتەكەدا تووشی هێڵنجدان و رشانەوە هاتن.
چەندین تیمی پزیشكی و بەهاناوەچوون لەمیانەی نیشتنەوەی فڕۆكەكەدا ئامادەبوو و بۆ پێدانی چارەسەر بە تووشبووان.
كۆمپانیای (كۆندۆر) بڵاویكردەوە، لێكۆڵینەوەیان دەستپێكردووە بۆ زانینی هۆكاری نەخۆشییە لەناكاو و چاوەڕواننەكراوەكە.
ئاشكراشیكرد، خۆراكی ناو فڕۆكەكە لە شاری مۆریشیۆس ئامادەكراوە.
