هێزەكانی بەڕێوەبەرایەتیی نەهێشتنی ماددە هۆشبەرەكانی دەزگای ئاسایشی هەرێم، بەهەماهەنگی و ئاڵۆگۆڕی زانیاریی هەواڵگریی نێودەوڵەتی و وەزارەتی ناوخۆی حكومەتی عێراق توانیان دوای چاودێكردن و بەداواداچوونی ورد لە ناوچەیەكی سنووری ناحیەی میدان كارگەیەكی ماددەی هۆشبەر لەناوببەن.
دەزگای ئاسایشی هەرێم، بەمەبەستی بەرەنگاربوونەوەی ماددە هۆشبەرەكان لە هەوڵەكانی بەردەوامە، لەسەر بنەمای زانیاریی پێشوەخت ئەم ئۆپراسیۆنەی ئەنجامداوە و توانرا 4 تۆمەتبار دەستگیربكرێن و دەستبگرن بەسەر سەرجەم ئەو ئامێرانەی بۆ دروستكردنی ماددەی هۆشبەر بەكارهێنراون.
لە راگەیەندراوەكەی دەزگای ئاسایشی هەرێمدا هاتووە، سوپاسی هاوكاریی بەردەوامی هاوڵاتییان دەكات و داواكارە لە كاتی بوونی هەر گومانێك پەیوەندی بە هێڵی گەرمی ژمارە 106 بكەن، بە مەبەستی زیاتر پاراستنی سەرووماڵی هاوڵاتییان.
