لە گوندێکی سنووری باشووری رۆژئاوای کەرکوک بۆرییەکی گواستنەوەی غاز شکاوە و بەهۆیەوە گوندەکە چۆڵکراوە.
پەیامنێری تۆڕی میدیایی ئێستا گواستییەوە، بەیانی ئەمڕۆ بۆرییەکی غاز لە سنووری گوندی قزلیاری شکاوە و بەو هۆیەوە دانیشتووانەکەی گوندەکەیان چۆڵكردووە.
ئاماژەی بەوەشکرد، تیمەکانی کۆمپانیای نەوتی باکوور گەیشتوونەتە شوێنەکە و هەوڵی چاککردنەوەی بۆرییەکە دەدەن.
ئەمە یەکەمجار نییە ئەو بۆریی گواستنەوەی غازە دەشكێت و چەند مانگێک لەمەوبەر هەمان رووداو لە گوندەکە دووبارە ببوەوە.
