وەزارەتی کارەبا بڵاویکردەوە، پرۆسەی چاکسازیی لە یەکەکانی بەرهەمهێنانی کارەبا بە سەرکەوتوویی بەرەو تەواوبوون دەچێت و دۆخەکە ئاسایی دەبێتەوە.
وەزارەتی کارەبای هەرێم لە راگەیەندراوێکدا بڵاویکردەوە، ئاگاداری هاوبەشانی کارەبا دەکەینەوە كە پرۆسەی چاکسازیی لە یەکەکانی بەرهەمهێنانی کارەبا بە سەرکەوتوویی بەرەو تەواوبوون دەچێت و بڕیارە رۆژی هەینی پرۆسەکە تەواو بێت و بارودۆخەکە ئاسایی ببێتەوە.
ئاشکراشیکرد، پرۆسەی چاکسازی لە یەکەکانی بەرهەمهێنانی کارەبا ساڵانە دەکرێت و وەزارەتی کارەبا پێی باش بوو لەم وەرزەدا پێش هاتنی وەرزی گەرما بکرێت.
