126 ساڵ لەمەوبەر یەکەم رۆژنامەی کوردی لەلایەن کەسایەتیی دیاری بەدرخانییەکان چاپ و بڵاوکرایەوە.
لە 22ی نیسانی ساڵی 1898دا میقداد مەدحەت بەدرخان، كەسایەتی دیاری بنەماڵەی بەدرخانییەكان یەكەم رۆژنامەی بە زمانی كوردی بەناوی رۆژنامەی كوردستان لە قاهیرەی پایتەختی میسر چاپ و بڵاوكردەوە.
ئەو رۆژنامەیە لەماوەی پێنج ساڵدا بە گشتی 31 ژمارەی لێ بڵاوکرایەوە و بەهۆی دژایەتی عوسمانییەکان لە چەند شوێنێکی جیاواز چاپکرا، هاوکات بڵاوکردنەوەی ئەو رۆژنامەیە گرنگیەکی زۆری هەبوو بۆ زمانی کوردی چونکە تاوەکو ئەو کاتە زمانی کوردی تەنها زمانی قسەکردن بوو لە چوارچێوەی گێڕانەوە، هۆنراوە و پەخشانەکان.
