سبەینێ لە کاتژمێر 9ی بەیانی تاوەکو 6ی ئیوارە، رێڕەوێکی شەقامی 120 مەتریی خێرای هەولێر دادەخرێت.
بەڕێوەبەرایەتیی هاتوچۆی هەولێر لە راگەیەندراوێکدا بڵاویکردەوە، تیمەکانی ئەندازەی هاتوچۆ هەڵدەستن بە هێڵکاری و بۆیاخکردنەوەی شەقامی 120مەتریی خێرا، بۆ ئەو مەبەستەش رێڕەوی دەستە چەپی شەقامەکە لە سەر بەرزە پردی رێگای پیرمام تاوەکو بەرزە پردی رێگای بەحرکە، لە کاتژمێر 9ی بەیانی تاوەکو 6ی ئیوارە دادەخرێت.
هاتوچۆی هەولێر دەڵێت، شۆفێران دەتوانن رێڕەوی ناوەڕاست و دەستەڕاستی شەقامەکە بەکاربهێنن.
