ئێوارەی ئەمڕۆ جۆ بایدن سەرۆكی ئەمریكا لەگەڵ محەمەد شیاع سودانی سەرۆك وەزیرانی عێراق كۆبووەوە و باس لە پەیوەندییەكانی نێوان هەردوو و دۆخی ئەمنیی رۆژهەڵاتی ناوەڕاست كرا.
سەرۆكی ئەمریكا رایگەیاندووە، وڵاتەكەی پابەندە بە پاراستنی ئاسایشی ئیسرائیل و كار بۆ راگرتنی جەنگ لە غەززە دەكات.
ئاماژە بۆ ئەوەش كراوە، لە كۆبوونەوەكەدا سەرۆك وەزیرانی عێراق جەختی لە پەرەپێدانی پەیوەندییەكانیان لەگەڵ ئەمریكا كردووەتەوە و وتیشی، “پەیوەندییەكانی ئەمریكا و عێراق گەیشتوونەتە خاڵی وەرچەرخانی گرنگ و عێراق پشتیوانی لە هەر هەوڵێك دەكات كە ئامانج لێی راگرتنی شەڕە لە ناوچەكە”.
