ئەندامێکی ئەنجومەنی نوێنەرانی عێراق رایدەگەیەنێت، “هەمواری یەکەمی یاسای چاودێریی کەمئەندامان و خاوەنپێداویستیی تایبەت لە ئەنجومەنی نوێنەران پەسەندکرا”.
نەرمین مەعروف، ئەندامی ئەنجومەنی نوێنەرانی عێراق رایگەیاند، ئەمڕۆ لە بەرنامەی کاری دانیشتنی ژمارە 18ی ئەنجومەنی نوێنەران هەمواری یەکەمی یاسای (چاودێریی کەمئەندامان و خاوەنپێداویستیی تایبەت ژمارە 38ی ساڵی 2013) پەسەندکرا.
لەبارەی یاساکەوە، نەرمین مەعروف، دەڵێت، ئامانج لەم یاسایە پاراستنی کەسانی کەمئەندام و خاوەنپێداویستی تایبەتە، و دەستەبەرکردنی پێداویستی ژیانی شایستەیە بۆیان.
دەشڵێت، ئەو یاسایە ئامانجی رێکخستنی ناوەندەکانی تایبەت بە فێرکردن و راهێنانیانە، و چاودێریکردنیان بەجۆرێک گونجاوبێت لەگەڵ رێکەوتنامە نێودەوڵەتییەکان کە عێراق ئەندامە تیایدا.
