وتەبێژی پۆلیسی سلێمانی دەڵێت، لە رۆژانی جەژندا هیچ رووداوێك نەبووە و سلێمانی ئەو رۆژانەی بە ئارامی بەڕێكردووە.
سەركەوت ئەحمەد، وتەبێژی پۆلیسی سلێمانی بە تۆڕی میدیایی ئێستای راگەیاند، لە سێ رۆژی جەژنی رەمەزاندا هیچ رووداوێكی كوشتن، تەقەكردن و دزیكردن لە سلێمانی رووینەداوە.
وتیشی، “تەنها چەند رووداوێكی سوكی هاتوچۆ لە چەند شوێنێكدا روویانداوە”.
پلانی هێزە ئەمنییەكان بۆ پاراستنی ئارامیی سلێمانی و دەوروبەری بە سەركەوتوویی جێبەجێكرا، سەركەوت ئەحمەد وای وت و باسی لەوەشكرد، هاوڵاتییانیش پابەندبوون پێوەی.
وتەبێژی پۆلیسی سلێمانی ئاماژەی بەوەشكرد، بۆ ئەم جەژنە جیاواز لە جەژنەكانی پێشوو، لە یارییە ئاگرینەكانیش هیچ رووداو و بریندارێك نەبووە.
دووپاتیكردەوە، رۆژانی جەژن چەند رۆژێكی ئارام بووە بۆ سلێمانی.
