لە دوو رووداوی هاتوچۆدا لە سنووری كەركوك حەوت ئەندامی دوو خێزان برینداربوون و زیانیش بە ئۆتۆمبێلەكانیان گەیشت.
رووداوی یەكەم لە رێگای سەرەكیی داقوق-خورماتوو لە باشووری كەركوك لە ئاكامی پێكدادانی نێوان دوو ئۆتۆمبێل لە جۆرەكانی تۆیۆتا/ پیكاب و هۆندا/سۆناتا-دا بووە و بەهۆیەوە سێ كەسی یەك خێزان برینداربوون، كە ژن و دوو منداڵن.
لە رووداوی دووەمدا كە لە نزیك یەكتربڕی یەنكجە لە داقوق بووە، ئۆتۆمبێلێكی مازدا وەرگەڕا و كەوتە دۆڵێكەوە، پاش بەریەككەوتنی لەگەڵ ئۆتۆمبێلێكی جۆری نیسان/ سێنترا.
بەهۆی ئەو رووداوەشەوە چوار كەس كە بە هەمان شێوە ئەندامی یەك خێزانن برینداربوون و رەوانەی نەخۆشخانەی داقوق لە باشووری كەركوك كران.
