وەزیری ئەوقاف و كاروباری ئایینیی هەرێم رایدەگەیەنێت، دوای جەژن وەزارەتی دارایی هەرێم لیستی مووچەی مانگی چوار ئامادەدەكات و دەشڵێت، “بەڵێندراوە كێشە بۆ ناردنی مووچە دروستنەكرێت”.
پشتیوان سادق، وەزیری ئەوقاف و كاروباری ئایینیی هەرێم لە لێدوانێكی رۆژنامەوانیدا كە پەیامنێری تۆڕی میدیایی ئێستا ئامادەیبوو رایگەیاند، مووچە مافێكی سروشتیی مووچەخۆرانی هەرێمی كوردستانە و وەزارەتی دارایی هەرێم دوای پشووەكانی جەژنی رەمەزان لیستی مووچەی مانگی چوار ئامادەدەكات.
وەزیری ئەوقاف و كاروباری ئایینی جەختیشیكردەوە و وتیشی، “بەڵێندراوە كێشە بۆ ناردنی مووچەی مووچەخۆرانی هەرێمی كوردستان دروستنەكرێت”.
