سەرۆكی نوێنەرایەتیی حكومەتی هەرێم لە بەغداد رایدەگەیەنێت، بەغداد بەر لە جەژن پارەی تەرخانكراو بۆ مووچەی مانگی سێ دەنێرێت.
فارس عیسا سەرۆكی نوێنەرایەتیی حكومەتی هەرێم لە بەغداد لە لێدوانێكدا رایگەیاند، دانوستان لە نێوان هەرێم و بەغداد بۆ چارەسەركردنی كێشەكان بەردەوامن و لە ئێستادا بەغداد مووچەی مانگی دووی رەوانەكردووە و چاوەڕواندەكرێت پارەی تەرخانكراو بۆ مووچەی مانگی سێ بەر لە جەژن بنێرێت.
راشیگەیاند، هەرێمی كوردستان سەرجەم داتا و زانیارییەكانی پێویست بە مووچەخۆرانی هەرێمی كوردستانی خستووەتە بەردەم وەزارەتی دارایی عێراق و هیواخوازین بەغداد مامەڵەی سیاسیی لەگەڵ هەرێمی كوردستان نەكات.
