سەرۆكایەتیی شارەوانیی سلێمانی رایدەگەیەنێت، ئەمڕۆ ئەنجومەنی شارەوانیی سلێمانی كۆبووەوە جەخت لە پێویستیی پەلەكردن و دانانی میكانیزمێك بۆ جێبەجێكردنی بڕیاری پێدانی زەوی بە فەرمانبەران كرایەوە و بە شێوەیەك كە لە خزمەتی فەرمانبەراندا بێت.
لە راگەیەندراوەكەی شارەوانیی سلێمانیدا هاتووە، دەستپێكی كۆبوونەوەكە تایبەت بوو بە گفتوگۆیەكی چڕ لەسەر بڕیاری سەرۆكایەتیی ئەنجومەنی وەزیران تایبەت بە پێدانی زەوی بە فەرمانبەران جەخت لە پێویستی پەلەكردن و دانانی میكانیزم و خستنە بواری جێبەجێكردنی ئەو بڕیارەوە كە كۆمەڵێ پێداویستی دەوێت كە بە شێوەیەك بێت لە خزمەتی فەرمانبەراندا بێت.
هەر لە راگەیەندراوەكەدا هاتووە، ئەنجومەنی شارەوانی پێشنیازیكرد ئەم بڕیارە تەنها فەرمانبەران نەگرێتەوە، بەڵكو هاوڵاتییانیش بگرێتەوە بە تایبەتی ئەو هاوڵاتییانەی كە خێزاندارن و تا ئێستا سوودمەند نەبوون و خاوەنی یەكەی نیشتەجێبوون نین.
