بەرپرسێكی یەكێتی رایدەگەیەنێت، دواخستنی هەڵبژاردن لە دەستی کۆمسیۆنی عێراقدایە نەک حزب و لایەنە سیاسییەکان.
لەتیف نێروەیی لێپرسراوی بۆردی راگەیاندنی یەكێتیی نیشتمانیی کوردستان لە کۆنفرانسێکی رۆژنامەوانیدا رایگەیاند، دواخستنی هەڵبژاردن لە دەستی کۆمسیۆنی باڵای سەربەخۆی هەڵبژاردنەكاندایە نەک حزب و لایەنە سیاسییەکان، سەرۆکی هەرێمی کوردستان واژووی لەسەر وادەی ئەنجامدانی کردووە.
ئاماژەی بەوەشکرد، کۆمسیۆن لەگەڵ ئەوەدایە هەڵبژاردنی پەرلەمانی کوردستان لە وادەی دیاریکراوی خۆیدا ئەنجامبدرێت و، ئێمەش رێز لەو بڕیارە دەگرین و ئامادەین بۆ هەڵبژاردن.
لەتیف نێروەیی وتیشی، “بەهەڵبژاردن جارێکی دیکە دامەزراوەکان دەکەونەوە کار و بە حکومەتیکی نوێوە دەتوانین رووبکەینە بەغداد و کێشەکانمان چارەسەربکەین”.
پەیوەست بە پۆستی پارێزگاری کەرکوک-یش بەرپرسەكەی یەكێتی ئاماژەی بەوەکرد، پۆستی پارێزگاری کەرکوک پشکی کوردە و سوورین لەسەر ئەوەی بۆ کورد بێت، لەسەر ئەو پۆستە هەنگاوی باش نراوە.
