دوای ئەوەی دوێنێ شەممە مووچەکانیان وەرگرت، ئەمڕۆ کارمەندانی بەڕێوەبەرایەتیی هاتوچۆی سلێمانی بایکۆتیان شکاند.
بەختیار محەمەد لێپرسراوی راگەیاندنی هاتوچۆی سلێمانی بە تۆڕی میدیایی ئێستای راگەیاند، کارمەندانی بەڕێوەبەرایەتییەکەمان بایکۆتیان شکاندووە، لە ئێستادا دەوام لە فەرمانگەکەمان ئاساییە و مامەڵەی هاوڵاتییان راییدەکەین.
زیاتر لە هەفتەیەک بوو بەهۆی دەستبەسەرداگرتنی مووچەکانیان کارمەندانی بەڕێوەبەرایەتیی هاتوچۆی سلێمانی و ژمارەیەکی زۆر لە بەڕێوەبەرایەتییەکان بایکۆتی دەوامیان کردبوو.
