عێراق تا ئێستا خاوەنی 43 فڕۆکەی نەفەرهەڵگرە و تەنها 21یان کاردەکەن، وەزارەتی گواستنەوەی عێراقیش ئاشکرایدەکات بەشێک لە فڕۆکە لەکارکەوتووەکانیان چاککردووەتەوە و خراونەتەوە کار.
بەپێی راگەیەندراوێکی وەزارەتی گواستنەوەی عێراق، تا ئێستا حەوت فڕۆکەی لەکارکەوتوو چاککراونەتەوە و خراونەتەوەکار، تا کۆتایی ئەمساڵیش هەوڵدەدەن لایەنی کەم 10 فڕۆکەی دیکە بخەنەوەکار.
میدیا عێراقییەکان بڵاوکراونەتەوە، لە کۆی ئەو 43 فڕۆکە نەفەرهەڵگرەی عێراق خاوەندارێتیان دەکات 22یان لەکارکەوتوون ناتوانن بفڕن، کە خۆیان لە جۆرەکانی ئێرباس و بۆمباردیی و بیۆنگ_دا دەبیننەوە.
بەپێی داتاکانی وەزارەتی گواستنەوەی عێراق، لەگەڵ چاککردنەوەی ئەو ژمارەیە لە فڕۆکە هێشتا 32% ی فڕۆکەکانی عێراق لەکاردا نین.
