پێشبینییەکان بۆ کەشوهەوای چەند رۆژی داهاتوو لە هەرێمی کوردستان، بارانبارینی بەخوڕ و تەرزەن، شارەزایانی کەشناسی دەڵێن، “ئاسمان لەنێوان نیمچەهەور و هەوری تەواودا دەبێت، بەڵام پلەی گەرمی گۆڕانکاری بەرچاوی بەسەردا نایەت.”
ئاراس جەبار شارەزای کەشناسی ئاماژەی بەوەکردووە، سبەی شەمە لەئەنجامی دۆخی ناجێگیری بەرگەھەوا، تاوەبارانی بەخوڕ لەکات و شوێنی جیاجیادا دەبێت و ئەگەری بارینی تەرزە لەھەندێک شوێندا بەتایبەت لەکاتەکانی نێوان نیوەرۆ بۆ ئێوارەدا دەبێت.
شاڵاو هیدایەت کە شارەزایەکی دیکەی کەشناسییە دەڵێت، “لە دوا نیوەڕۆی ئەمڕۆ هەینییەوە کاریگەری شەپۆلەکە لەسەر هەموو ناوچەکان دەردەکەوێت و درێژدەبێتەوە و شەممەش بەردەوام دەبێت و لە یەکشەممەوە کاریگەری حاڵەتێکی دیکەی سەرتاسەری باران دەبێت و تا رۆژی چوارشەممە کاریگەرییەکەی بەردەوام دەبێت.
