بەڕێوەبەرایەتیی هاتوچۆی سلێمانی لە بارەی بەربەستکردنی شەقامی سالمەوە شۆفێران ئاگاداردەکاتەوە و داوا دەکات شەقامی جێگرەوە بەکاربهێنن.
لە راگەیەندراوێکدا بەڕێوەبەرایەتیی هاتوچۆی سلێمانی ئاماژە بەوە دەکات، “ئەمڕۆ لە کاتژمێر 5:00ی ئێوارە تاوەکو کاتژمێر 11:00ی شەو، شەقامی سالم، هەردوو سایدی هاتن و رۆشتن لە سلێمانی پاڵاس بەرەو فولکەی سەهۆڵەکە بەربەست دەکرێن بە سەرجەم شەقامە لاوەکییەکانیەوە”.
هاتوچۆی سلێمانی داواش لە شۆفێران و هاوڵاتییان دەکات بۆ هاتوچۆکردن شەقامی جێگرەوە بەکاربهێنن.
