سەرۆکایەتیی شارەوانیی هەولێر رایدەگەیەنێت، “لەسەر قەڵای هەولێر ئامادەسازی بۆ رێوڕەسمی داگیرساندنی مەشخەڵی نەورۆز دەکرێت”.
لە راگەیەندراوێکدا سەرۆکایەتیی شارەوانیی هەولێر ئاماژە بەوە دەکات، “سەر لە بەیانی ئەمڕۆ لەلایەن تیمەکانمان لە بەڕێوەبەرایەتیی ئەندازەی پاڕکەکانی هەولێر بەشێوەیەکی شارستانیانە و دیزاینێکی قەشەنگ رێوشوێنەکانی رێوڕەسمی داگیرساندنی ئاگری نەورۆز وەک رەمزێکی جەژنی نەتەوەیی دانرا و ئامادەکاریی تەواوکرا بۆ پێشوازی لە جەژنی نەورۆزی نەتەوەی کورد لەسەر قەڵای دێرینی هەولێر”.
