بەپێی نوێترین راپۆرت لەنێوان پیسترین شارەکانی جیهان لەرووی ئاو و هەواوە، زۆرینەیان دەکەونە وڵاتی هندستان، بەپێی ئامارەکانی رێکخراوی تەندروستیی جیهانیش ئاو و هەوای ئەو وڵاتە 10 هێندەی وڵاتانی دیکە پیسە.
بەپێی راپۆرتێک کە پێگەی IQAir بڵاویکردووەتەوە، لە کۆی 100 پیسترین شاری جیهان 83 یان دەکەونە وڵاتی هندستان.
راپۆرتەکە لەسەر بنەمای چاودێریکردنی داتاکانی 30 هەزار بنکەی چاودێری ئاو و هەوا لە 134 وڵاتی جیهان نووسراوەتەوە.
بەپێی راپۆرتەکە شاری بیگۆسارای هندستان رێژەی ماددە مەترسیدارەکانی ناو هەوای 23 هێندەی ئەو رێژەیەیە کە رێکخراوی تەندروستیی جیهانیی بۆ پیسبوونی ئاو و هەوا دیاریکردووە، هاوکات بە گشتیی 1.3 ملیار هاوڵاتیی وڵاتەکە هەوای پیس هەڵدەمژن.
توێژەرانی دەزگاکە ئاشکرایدەکەن، بە گشتییی حەوت هەزار و 812 شار لە 134 وڵاتی جیهان رێژەی تەنۆچکە ژەهراوییەکانی ناو هەوایان لەو رێژەیە زیاترە کە رێکخراوی تەندروستیی جیهانی دیاریکردووە.
هەر بەپێی راپۆرتەکە، ئاو و هەوای وڵاتانی باشووری ئاسیا جێگەی نیگەرانییە وەک وڵاتانی هندستان و پاکستان و بەنگلادیش و تاجیکستان
