وتەبێژی هێزەکانی پاسەوانی سنوور رایگەیاند، ئەو دەنگە بەهێزەی پێشنیوەڕۆی ئەمڕۆ لە شاری هەولێر بیسترا تەقاندنەوەی ژمارەیەک مین بووە.
سامی ئیسماعیل وتەبێژی ناوچەی یەک_ی پاسەوانی سنوور رایگەیاند، دوای ئەوەی لە چەند رۆژی رابردوودا ، مینێکی هەڵگیراوەی کۆن لە دەست سێ کارمەندی پاسەوانی سنوور تەقییەوە و گیانیان لەدەستدا، ئەمڕۆ لە لایەن لیژنەیەکی تایبەت، ئەو مینە هەڵگیراوانەی مابوون لەچۆڵەوانی نزیک کانی قرژاڵە تەقێندرانەوە.
ئەمە لە کاتێکدایە، پێشنیوەڕۆی ئەمڕۆ دەنگی تەقینەوەیەکی بەهێز لە شاری هەولێر بیسترا و دڵەڕاوکێی لەنێو بەشێک لە هاوڵاتییان لێکەوتەوە.
