ئەنتۆنیۆ گۆتێرێش ئەمینداری گشتیی رێکخراوی نەتەوەیەکگرتووەکان داوای لە لایەنە شەڕکەرەکانی سودان کرد رێز لە بەهاکانی مانگی رەمەزان بگرن و ئاگربەست رابگەیەنن.
گۆتێرێش لە کۆبوونەوەی ئەنجومەنی ئاسایشی نێودەوڵەتی رایگەیاند، چەند رۆژێکی دیکە مانگی رەمەزانی پیرۆز دەستپێدەکات، لێرەوە و لەم هۆڵەوە داوا لەسەرجەم لایەنەکانی سودان دەکەم رێزی بەهاکانی ئەم مانگە بگرن و شەڕ رابگرن.
ئاماژەی بەوەشکرد، دەبێت ئەم جەنگ وەستاندنە سەرەتایەک بێت بۆ کۆتاییهێنان بە شەڕ بە شێوەی تەواوەتی و نەخشەرێگایەک بۆ ئاشتی لە وڵاتەکەدا دابنرێت.
چاوەڕێ دەکرێت رۆژی هەینی لە ئەنجومەنی ئاسایش بڕیارنامەیەک کە لەلایەن بەریتانیاوە ئامادەکراوە واژۆبکرێت کە لە ناوەڕۆکەکەیدا راگرتنی جەنگ لە سودان هەیە.
