بەهۆی خراپی دۆخی ئەمنیی بەشێک لە شارەکانی عێراق وەزارەتی ناوخۆ مۆڵەتی چەک هەڵگرتن بە خاوەنی دەرمانخانە و کۆگاکانی دەرمان دەدات.
بەپێی نووسراوێکی وەزارەتی ناوخۆی عێراق کە لە هەفتەی رابردوودا دەرچووە، رەزامەندی دەدرێت بە خاوەنی دەرمانخانە و کۆگاکانی دەرمان و نووسینگەکانی دەرمان کە چەک هەڵبگرن و مۆڵەتی بۆ دەربهێنن.
ئەم بڕیارە لە کاتێکدایە لە بەشێک لە ناوچەکانی عێراق بە هۆی خراپی دۆخی ئەمنییەوە، شەوانە چەکداران هەڵدەکوتنە سەر دەرمانخانە و کۆگاکانی دەرمان.
