لقی سلێمانی کۆمسیۆنی باڵای سەربەخۆی هەڵبژاردنەکانی عێراق بڵاویکردەوە، پرۆسەی تۆمارکردنی بایۆمەتری تا کۆتایی مانگی شوبات بەردەوام دەبێت.
لە راگەیەندراوەکەی کۆمسیۆندا ئەوەش خراوەتەڕوو، ئەو کەسانەی تا ئێستا بایۆمەتریان نەکردووە، دەتوانن سەردانی نزیکترین ناوەندی تۆمارکردن لەشوێنی نیشتەجێبوونیانەوە بکەن و لەماوەی چەند خولەکێکدا بەشێوەی بایۆمتری زانیارییەکان تۆمار بکەن.
بەڵگەنامەی پێویستەکانیشی بڵاوکردووەتەوە کە ئامانەن:
١-کارتی نیشتیمانی یان (پێناسی باری شارستانی و رەگەزنامە)
٢-کۆبونی خۆراک.
٣-بەڵگەنامەی نیشتەجێبوون.
هاوکات، ئاماژەی بەوەشکردووە، رۆژانە لە کاتژمێر 8:00ی بەیانی بۆ 3:00ی دوای نیوەڕۆ بنکەکان کراوەن.
