مانگی رابردوو 425 منداڵی كوڕ و 413 منداڵی كچ لە نەخۆشخانەی منداڵبوونی سلێمانی لەدایکبوون.
بەرێوبەرایەتیی گشتیی تەندروستیی سلێمانی رایگەیاند، مانگی رابردوو 838 منداڵ لەنەخۆشخانەی منداڵبوونی فریاكەوتنی فێركاری لەدایكبوون، لەو رێژەیە 425 منداڵیان كوڕ بوون و 413 یان كچ بوون، لەو ژمارەیە 439 منداڵیان بەشێوەی سروشتی لەدایكبوون و 399 یان لەرێگەی نەشتەرگەری لەدایكبوون.
باس لەوەش دەکات، لە مانگی کانونی دووەمی 2024 لەنەخۆشخانەی منداڵبوونی فریاكەوتنی فێركاری دوو هەزار و 315نەخۆش سەردانیان كردووە، لەو ژمارەیە هەزار و 621 نەخۆش داخڵ كراون و چارەسەری پێویستیان بۆ كراوە.
ئاماژە بەوەش دەکات، هەر لەو ماوەیەدا لەنەخۆشخانەی منداڵبوونی فریاكەوتنی فێركاری 266 منداڵ لەبەشی نەبەكام داخڵ كراون و 19 حاڵەتی لەدایكبوونی دووانە و 2 حاڵەتی لەدایكبوونی سیانە و 136 حاڵەتی لەبارچوونی منداڵ تۆماركراوە و هەروەها هەزار و 256 سۆنەریش گیراون.
