بەکتریایەکی مەترسیدار لە یەکێک لە نەخۆشخانەکانی شاری نەجەف بڵاوبووەتەوە کە بەرەنگاریی سەرجەم جۆرەکانی دەرمانی دژە بەکتریا دەبێتەوە.
بەپێی نووسراوێکی بەڕێوەبەرایەتیی تەندروستیی نەجەف کە وێنەیەکی لە میدیا عێراقییەکان بڵاوکراوەتەوە، لە نەخۆشخانەی سەدری پارێزگاکە بەکتریایەکی مەترسیدار بڵاوبووەتەوە کە لە ڤایرۆسی کۆرۆنا مەترسیدارترە و هیچ جۆرە چارەسەرییەکی نییە.
هەر بەپێی نووسراوەکە، بەکتریاکە توانای بەرەنگاربوونەوەی سەرجەم جۆرەکانی دژە هەوکردنی هەیە، مەترسییەکی جدی دروستکردووە.
