وتەبێژی وەزارەتی دارایی هەرێم رایدەگەیەنێت، توانراوە رەزامەندیی حكومەتی عێراق وەربگیرێت كە یاسای بودجە هەمواربكرێتەوە و مووچەی مووچەخۆرانی هەرێم لە سەرجەم پرسەكانی دیكە جیابكرێتەوە و هاوشێوەی مووچەخۆرانی عێراق مانگانە پارەی تەرخانكراو بۆ مووچەی مووچەخۆرانی هەرێم بنێردرێت.
هونەر جەمال وتەبێژی وەزارەتی دارایی هەرێم لە لێدوانێكیدا رایگەیاند، توانراوە رەزامەندیی حكومەتی عێراق و ئەنجومەنی نوێنەرانی عێراق بۆ هەمواری یاسای بودجە وەربگیرێت كە مووچەی مووچەخۆرانی هەرێم لە سەرجەم پرسەكانی دیكە جیابكرێتەوە و مانگانە هاوشێوەی مووچەخۆرانی عێراق مووچەی مووچەخۆرانی هەرێمی كوردستان بنێردرێت.
هەر بەپێی زانیارییەكان، هەمواری یاسای بودجە دەكەوێتە دوای هەڵبژاردنی سەرۆكی ئەنجومەنی نوێنەرانی عێراقەوە.
