لە شاری هەولێر سەرجەم فەرمانگە خزمەتگوزارییەكان و لایەنە پەیوەندیدارەكان خرانە حاڵەتی ئامادەباشییەوە و جەختكرایەوە هەر فەرمانگەیەكیش كەموكورتی هەبێت دەبێت بەرپرسیارێتی لە ئەستۆبگرێت.
بەپێی راگەیەندراوێكی پارێزگای هەولێر تێیدا هاتووە، ئەمڕۆ پارێزگاری هەولێر و قائیمقام لەگەڵ بەرپرسانی فەرمانگە خزمەتگوزارییەكان بۆ هەر ئەگەرێكی نەخوازراو و مەترسی دروستبوونی لافاو، كۆبوونەوە و سەرجەم تیمەكانی فریاگوزاری و خزمەتگوزاری خرانە حاڵەتی ئامادەباشییەوە.
هەر لە راگەیەندراوەكەدا هاتووە، هەر فەرمانگەیەكیش كەموكورتی هەبێت دەبێت بەرپرسیارێتی لە ئەستۆبگرێت و سەرجەم قائیمقام و بەڕێوەبەری ناحیەكان راسپێردران هەریەك لە سنووری خۆی ژووری كاروبار پێكبهێنێت و لە ئامادەباشی تەواودابن.
