بەیانی ئەمڕۆ لە قەزای سیدەکان لەسەر رێگای گەلی لێتان نزیک گوندی ماوەت ئۆتۆمبێلێک وەرگەڕا و بەهۆیەوە سەرنشینێک گیانیلەدەستدا و شۆفێرەکەشی بە سەختی برینداربوو.
بەڕێوەبەرایەتیی هاتوچۆی سۆران بڵاویکردەوە، بەیانی ئەمڕۆ ئاگادارکراینەوە لە هەبوونی رووداوێکی ھاتووچۆ لە جۆری لادان لە رێگا و وەرگەران، لەلایەن ئۆتۆمبێلی جۆری نیسان لە قەزای سیدەکان لەسەر رێگای گەلی لێتان نزیک گوندی ماوەت،کە بەهۆیەوە سەرنشینێک گیانیلەدەستدا و شوفێرەکەش بەسەختی برینداربوو.
ئاشکراشیکرد، رووداوەکە بەهۆی پابەندنەبوونی شوفێربە رێنماییەکان و خێرا لێخورین روویداوە.
