راپرسییەک ئاشکرایدەکات، هەریە لە دۆناڵد ترەمپ سەرۆکی پێشووی ئەمریکا و جۆ بایدن سەرۆکی ئێستای وڵاتەکە، شیاونین بۆ وەرگرتنەوەی پۆستی سەرۆکایەتی بۆ خولی داهاتوو.
راپرسییەکە لەلایەن کۆمپانیای ABC News/Ipsos ئەنجامدراوە و تێیدا دەرکەوتووە، 86% ی دەنگدەرانی ئەمریکا پێیانوایە، بەهۆی چوونە تەمەنەوە جۆ بایدن شیاونییە بۆ دووبارە هەڵبژاردنەوەی لە خولی داهاتووی سەرۆکایەتیی وڵاتەکەدا.
هەر بەپێی راپرسییەکە، 59% ی دەنگدەران، دۆناڵد ترەمپیش بە شیاو نازانن بەهەمان هۆکاری تەمەن، لەگەڵ ئەوەشدا 44% یان پێیان وایە ترەمپ باشتر لە بایدن دەتوانێت سنوورەکانی وڵاتەکە بپارێزێت.
جۆ بایدن لە ئێستادا تەمەنی گەیشتووەتە 81 ساڵ و بەبەتەمەنترین سەرۆکی ئەمریکا هەژماردەکرێت.
