لە گەرمیان، دڵێکی سێ جار وەستاوی گەنجێکی تەمەن 24 ساڵان بوژێندرایەوە.
نەخۆشخانەی فریاکەوتنی شەھید ھەژار لە قەزای کەلار، لە راگەیەندراوێکدا بڵاویکردەوە، بە گەیاندنی گەنجێکی لە دایکبووی ساڵی 2000 بۆ فریاکەوتنی شەھید ھەژار، سێ جار دڵی لە لێدان کەوت، پاش کاتژمێرێک لە کارکردن و شێلانی دڵ، کارمەندانی نەخۆشخانەکە توانییان دڵی ببوژێننەوە.
ئاماژە بەوەش دەکات، گەنجەکە سێ کاتژمێر لە فریاکەوتن ماوەتەوە تاکو باری تەندروستی جێگیر ببێت و دواتر لەبەر نەبوونی بەشی چاودێری ورد لە گەرمیان رەوانەی سلێمانی کرا.
بەپێی راگەیەندراوەکە، لە ئێستادا دۆخی تەندروستیی گەنجەکە جێگیرە و گەڕاوەتەوە ماڵەوە .
