تۆمەتبارێك كە چەند فەرمانێكی دەستگیرکردنی هەبوو، دەستگیركرا.
بەڕێوەبەرایەتیی پۆلیسی پارێزگای سلێمانی لە راگەیەندراوێکدا بڵاویکردەوە، دوای ئەوەی لەلایەن دادگای لێكۆڵینەوەی سلێمانییەوە بڕیاری دەستگیركردنی تۆمەتبارێك گەیشتە بەڕێوەبەرایەتی پۆلیسی پارێزگای سلێمانی، لێكۆڵینەوە و بەدواچوونەكان بۆ دۆزینەوە و دەستگیركردنی تۆمەتبار دەستیپێكرد.
باس لەوەش دەکات، توانرا لەلایەن مەفرەزەكانی نوسینگەی نەهێشتنی تاوانی سەیدسادقی سەر بە بەشی پۆلیسی سەید سادقەوە تۆمەتبار بدۆزرێتەوە و دەستگیربكرێت كە فەرمانی دەستگیرکردنی هەبووە.
بەپێی راگەیەندراوەکە، لەئێستادا تۆمەتبار (پ، ع، م لەدایكبووی 1982) بە بڕیاری دادوەر راگیراوە و لە لێكۆڵینەوە سەرەتاییەكاندا دەرکەوتووە كە تۆمەتبار چەند فەرمانێكی دەستگیرکردنی دیکەی هەبووە.
