وەزارەتی دارایی هەرێم گەیشتنی پارەکەی بەغدادی راگەیاند و بڕیارە سبەینێ دەست بە دابەشکردنی مووچە بکرێت.
وەزارەتی دارایی هەرێم لە راگەیەندراوێکدا بڵاویکردەوە، کەمێک لەمەوبەر بڕی 618 ملیار دینار گەیشتە سەر هەژماری بانکی وەزارەتی دارایی و ئابوری لەلقی هەولێری بانکی ناوەندیی عێراق کەدەکاتە تەنها %65 کۆی شایستەی مووچەخۆرانی هەرێمی کوردستان.
ئاماژە بەوەش دەکات، دوای گەیشتنی پارەکە بۆ بەڕێوبەرایەتیی گشتیی بانکە بازرگانییەکانی وەزارەتی دارایی، لەگەڵ داهاتی ناوخۆ کە بڕی 325 ملیار دیناری پێویستە بۆ پڕکردنەوەی ئەو کورتهێنانەی دروستبووە، لەرۆژی هەینی 2ی شوباتی 2024 دەست بەدابەشکردنی مووچەی فەرمانبەران و مووچەخۆرانی هەرێمی کوردستان دەکرێت.
