بانکی ناوەندیی عێراق خشتەی فرۆشتنی دۆلاری بۆ ئەمڕۆ بڵاوکردەوە و زیاتر لە 208 ملیۆن دۆلاری خستووەتە بازاڕەوە.
بەپێی راگەیەندراوەکەی بانکی ناوەندی کە وێنەیەکی دەست تۆڕی میدیایی ئێستا کەوتووە، ئەمڕۆ بڕی 208 ملیۆن و 32 هەزار و 380 دۆلاری خستووەتە بازاڕەوە، لەو بڕەش 193 ملیۆن و 554 هەزار و 380 دۆلاریان بە شێوەی حەواڵەیە و تەنها 14 ملیۆن و 478 هەزار دۆلاری بە شێوەی نەختینە بووە.
کۆتا خستنەڕووی خشتەی فرۆشی دۆلار لەلایەن بانکی ناوەندیی عێراقەوە 28ی کانوونی دووەمی 2024 بوو کە تێیدا 205 ملیۆن و 85 هەزار و 841 دۆلاری خستبووە بازاڕەوە.
هەر سەبارەت بە دۆلار، بەیانی ئەمڕۆ لە کاتی کردنەوەی بازاڕی ئاڵوگۆڕی دراو، 100 دۆلاری ئەمریکی بە 151 هەزار و 500 دیناری عێراقی مامەڵەی پێوەدەکرێت، لەکاتێکدا دوێنێ بە نزیکەی 151 هەزار و 200 دینار مامەڵەی پێوەدەکرا.
