بە گوێرەی ئەو زانیارییانەی دەست تۆڕی میدیایی ئێستا کەوتووە، نزیکەی دوو کاتژمێر دەبێت، پڕۆسەی بەرهەمهێنان لە کێڵگەی گازی کۆرمۆر دەستیپێکردووەتەوە.
سەرچاوەیەک قسەی بۆ تۆڕی میدیایی ئێستا کرد و رایگەیاند، دۆخی کێڵگەی گازی کۆرمۆر ئاسایی بووەتەوە و هەموو شتێک کۆنترۆڵە و نزیکەی دوو کاتژمێر دەبێت وەبەرهێنان لەو کێڵگەیە دەستی پێکردووەتەوە.
ئەوەش لە کاتێکدایە، کۆمپانیای دانا غاز بەیانی ئەمڕۆ بڵاویکردەوە، بەهۆی هێرشەکەی شەوی رابردوو، وەبەرهێنانی غاز لە کێڵگەکە راگیرا.
هاوکات، وەزارەتی سامانە سروشتییەکان ئێوارەی ئەمڕۆ رایگەیاند، لەگەڵ ئاسایبوونەوەی دۆخەكە بەرهەمهێنانی غاز بۆ وێستگەكانی كارەبا دەستپێدەكاتەوە و دۆخی کارەبا ئاسایی دەبێتەوە.
