بەڕێوەبەرایەتیی گشتیی كەشناسی و بومەلەرزەزانیی هەرێم بڵاویكردووەتەوە، پێشبینی دەكرێت لە سەرەتای هەفتەی داهاتووەوە پلەكانی گەرما بەرزبوونەوە بەخۆوە ببینێت و بە بەراورد بە ئەمڕۆ 5 بۆ 6 پلە بەرزدەبێتەوە.
بەپێی ڕاگەیەندراوێكی بەرێوەبەرایەتیی گشتیی كەشناسی و بومەلەرزەزانی هەرێم تێیدا هاتووە، “لەگەڵ چالاكبوونی نزمە پاڵەپەستۆی وەرزی گەرمی ساڵانە شەپۆڵێكی گەرما لە ڕۆژی شەممەوە كار دەكاتە سەر ناوچەكەمان و پلەكانی گەرما بەرزدەبێتەو ەلە زۆربەی ناوچەكان بەرزترین پلەكانی گەرما لە سەرووی 40 پلەی سیلیزییەوە دەبێت.
لە ڕاگەیەندراوەكەدا هاتووە، لە ئیدارەی گەرمیان و ناوچەكانی باشووری هەرێمی كوردستان پلەكانی گەرما بۆسەرووی 45 پلەی سیلیزی بەرزدەبنەوە و لە سەنتەری پارێزگاكان بۆ سەرووی 42 پلەی سیلیزی دەبێت كە كاریگەرییەكەی تا ڕۆژی سێ شەممەی داهاتوو دەبێت.
